視后張可頤相隔12年即將回巢TVB拍攝被指是醫療版《新聞女王》的新劇《巨塔之后》，張可頤接受獨家訪問時，坦言今次回巢很大關係是因為鍾澍佳的誠意，對於首次挑戰演心臟外科醫生角色，她一直都在做功課，亦看了不同地方的醫療主題電影，她謂：「當然呢套劇同內地平台合作，資源、故事創作都好吸引，同埋今次粵語版同國語版我都會爭取原聲上陣，內地啲粉絲都成日問我幾時自己配音，想聽番我把聲，呢樣嘢我已經同無綫爭取咗。」

男主角陳展鵬於劇中飾演跨國銀行負責人，戲份主要圍繞張可頤及劉佩玥。展鵬受訪時坦言還未知角色怎樣：「我以前拍《法證先鋒III》時同可頤合作過，其實我仲未知自己演咩角色，不過如果有機會做醫生都唔錯，之前一直都拍動作戲，比較吃力同容易受傷，不過做醫生都唔簡單，可能要好多手技同考記性，醫學方面都要多啲認識。」而陳煒於劇中飾演跨國投資集團主席，她謂：「好開心可以有份參演呢個大型劇集，我未同張可頤合作過，所以非常期待，今次角色對醫療集團都有份投資，劇中係非常有錢，所以都係一個幾重要嘅角色。」

劇中其他演員都是圍繞這個醫生家族，全部是醫療精英。鍾鎮濤是整個醫療集團最高領導人，劇中兒子馬國明及蕭正楠都是專業醫生，二人的太太吳若希、劉佩玥分別是兒童心理學名媛及專打醫療事故官司的律師。馬國明受訪時謂：「我未收到正式通知，今次我唔係主演。（會否期待同可頤合作？）都期待㗎！未合作過嘅都期待，希望大家有新嘅火花！」說到劇中吳若希飾演他的太太，他謂：「吳若希我都未合作過，如果係真嘅一定會畀到觀眾新鮮感。」